De notables se poden calificar os resultados os obtidos polas Seleccións da Mariña de Fútbol Sala no seu primeiro partido de clasificación do Campionato Galego de Seleccións Locais contra as Seleccións da Comarca de Lambre, colleitando tres victorias nas categorias benjamin,infantil e cadete e unha derrota axustada na categoria alevín.A tarde comezou co partido de benxamines no que os rapaces de Francisco Beltrán se impuxeron con claridade á escadra coruñesa por 4-0, con dous goles de Xavi Goás da ACD Xove, un gol de Pablo González das ED Valadouro e outro de Pablo López das ED Lourenzá.
A única derrota da tarde chegou no segundo partido no que a Selección de Lambre se impuxo por un axustado 5-6. Este partido tivo dúas partes ben distintas, xa que ao descanso os pupilos de José Francisco Martínez chegarían perdendo 1-4. Tralo descanso conseguiron empatar o partido pero a escasos segundos para a finalización deste un gol dos coruñeses deu ao traste cos esforzos levados a cabo polos alevins da mariña.
Anza Malluri, das ED Lourenzá, marcou tres goles, mentres que o seu compañeiro Manuel Nocedo anotou un e pecharía a conta anotadora Dani López do CD Burela FS.
A maior goleada da tarde deuse en infantiles, donde os xogadores de Christian Gómez Fustes amosaron a súa superiroridade dende o comezo do partido.O 8-2 reflexa a superioridade do combinado mariñán, no que destacou a actuación de Rubén Fernández, das ED Barreiros, que marcou catro goles. Rubén Nieto do Praia de Covas anotou dous goles e Adrián García e Isaac Losada, ambolos dous pertencentes ao CD Burela FS, anotaron cadanseu gol.
A tarde rematou co encontro na categoría cadete donde os discípulos de Emilio González “Melu”,nunha segunda parte sobresaínte conseguiron darlle a volta ao marcador adverso e acabaron por impoñerse por un claro 5-1.Os goleadores foron Jairo Campo, Miguel Gomes, Ález Otero do Burela Turística e Noé Fernández e Miguel Márquez do CD Burela FS.
